Ymddiriedolaeth Tir Cymynedol Bro Ddyfi
Mae Ymddiriedolaeth Tir Cymunedol Bro Ddyfi (ynghyd â’i chynlluniau ar gyfer hen safle’r Comisiwn Coedwigaeth yng Ngwersyll Ceinws) wedi derbyn gwahoddiad i fod yn rhan o Brosiect Mynyddoedd Cambria. Mae Ei Uchelder Brenhinol, Tywysog Cymru’n cefnogi’r prosiect hwn sy’n gobeithio darganfod atebion cyfannol i’r nifer fawr o sialensiau sy’n wynebu cymunedau gwledig yr ucheldir ar hyd a lled Canolbarth a De Orllewin Cymru.
Derbyniwyd ymateb cadarnhaol gan adrannau cynllunio a phriffyrdd Cyngor Sir Powys i weledigaeth wreiddiol trigolion Ceinws ar gyfer dyfodol y safle. Meddai Jonathan Brown, Cyfarwyddwr Tir ar gyfer Pobl, sy’n cynorthwyo gyda chynlluniau ar gyfer datblygu’r safle dan arweiniad y gymuned leol, “Mae hyn yn galonogol iawn. Mae pawb y buom yn siarad â nhw yn awyddus i weld cartrefi fforddiadwy, gweithle a chyfleusterau cymunedol a oedd yn rhan mor brysur ac allweddol o gymuned Ceinws 15 mlynedd yn ôl, yn cael eu datblygu ar y safle.
"Ar ôl ychydig o flynyddoedd pan na welwyd llawer o ddim yn digwydd, mae ‘r popeth yn newid rŵan. Rydym eisiau helpu i sicrhau bod ailddefnyddio’r safle hwn nid yn unig yn ateb gofynion y gymuned,” ychwanegodd, “ond hefyd yn gallu helpu i gyflawni gweledigaeth Llywodraeth Cynulliad Cymru ar gyfer datblygiad sy’n defnyddio ynni’n effeithlon, carbon isel, gan gyfuno tai fforddiadwy, gweithle ac eco-dwristiaeth. Credwn y dylai safle gynnwys man chwarae newydd a man cyfarfod cymunedol”.
Yn nes ymlaen yn y Gwanwyn bydd Ymddiriedolaeth Tir Cymunedol Bro Ddyfi yn cael ei lansio’n gyhoeddus, a bydd hyn yn rhoi cyfle i bobl a sefydliadau lleol i ddod yn aelodau/cyfranddalwyr yn yr Ymddiriedolaeth, ac i gyfrannu tuag at y gwaith yng Ngheinws a phrosiectau mewn mannau eraill ym Mro Ddyfi yn y dyfodol.
Mae'r testun uchod wedi dyddio ac nid yw Tir i Bobl yn bodoli rhagor. Mae Ymddiriedolaeth Tir Cymunedol Bro Ddyfi yn segur, ond yn dal i fod a diddordeb mewn ystyried cynnigion er mwyn datblygu tir ar gyfer y gymuned. Am fwy o wybodaeth, cysylltwch a Andy Rowland, ecodyfi, ar 01654 703965 neu andy.rowland@ecodyfi.org.uk.
Cymunedau yn Gyntaf Powys | Bro Ddyfi | Oldford | Ystradgynlais
© 2007 Cymunedau yn Gyntaf Powys