Rydych yma : Hafan > Bro Ddyfi Hafan > Newyddion > Cylchlythyr Hydref / Gaeaf 2004

Cylchlythyr Hydref / Gaeaf 2004

21st Oct 2004

Cylchlythyr Hydref / Gaeaf 2004

Lansiad Wefan Cymunedau yn Gyntaf ym Mhowys

Fe gynhaliwyd diwrnod dathlu cymunedol ar y 16ed o Hydref, i roi gwybodaeth am y gwaith sy'n cael ei wneud yn y gymuned gan gwahanol fudiadau, ac i ddod ar Gymuned at ei gilydd drwy ddiwrnod o hwyl a dathlu.

Cafodd y diwrnod ei drefnu ac ei ariannu gan Cymunedau yn Gyntaf Bro Ddyfi, a rhaglen Anghydraddoldeb mewn Iechyd (Gwasanaeth Iechyd Cyhoeddus Cenedlaethol Cymru), a phwrpas y diwrnod oedd i godi ymwybyddiaeth a phroffil y ddwy rhaglen bwysig yma, ac eraill sydd yn weithgar yn y gymuned ym Mro Dyfi,ac i edrych ymlaen at y dyfodol, tra ar yr un pryd yn annog mwy o gyfranogiad gan y gymuned.

Dyma rai cymeriadau annisgwyl a fynychodd y diwrnod dathlu	Myra Francis o CAMAD, sydd yn aelod o Bartneriaeth Cymunedau yn Gyntaf Bro Ddyfi, yn cyflwyno copïau o'r asesiadau Tai a Chludiant i Meirion Jones (Clerc Cyngor Cymuned Llanbrynmair) a Cyng Michael Williams (Cyngor Tre Machynlleth).

Bro Ddyfi yn Dathlu gwaith yn y gymuned

Fe ddywedodd Cyril Evans, Cydlynydd Cymunedau yn Gyntaf Bro Ddyfi:

"Fe ddaeth llawer o fudiadau lleol at ei gilydd i ddangos y gwaith maent yn gwneud yn y gymuned, ac mi roedd y rhain yn cynnwys: Anghydraddoldeb mewn Iechyd, Cymunedau yn Gyntaf, 'Y Lleng Brydeinig' (Ardal Machynlleth), Croesffyrdd Trefaldwyn, 'Cymdeithas Gelf Cambrian', Cynulliad Cenedlaethol Cymru,'PAVO', Bwrdd yr Iaith, a TWF, Ecodyfi, CAMAD, Llyfrgell Teganau, Chwarae Maldwyn, Masnach Deg, a Gwerin y Coed.

Yn ogystal ar uchod, roedd hefyd sioe bypedau gan Vagabondi, ac adloniant Cymraeg gan Alun Tanlan ac eraill, a oedd wedi ei drefnu gan Llinos Jones Williams, Swyddog Datblygu, Bwrdd yr Iaith Gymraeg".

Aeth y Swyddog Hybu Iechyd, Cerys Humphreys, ymlaen i ddweud : "Yn ychwanegiad ir arddangosfeydd oedd i weld ar dir y Plas, roedd hefyd weithgareddau rhad ac am ddim i blant yn y Ganolfan Hamdden yn cynnwys: paentio wynebau, castell neidio, gweithdy bypedau, sgiliau syrcas, celf a chrefft, gweithio gyda fideo, peiriant (beic) gwneud 'smoothies' a hefyd sesiwn blasu yoga"

Agorwyd y diwrnod gan Myra Francis o CAMAD, a gyflwynodd gopi o asesiad tai a chludiant a gafodd ei gario allan yn yr ardal yn ddiweddar gan Cymunedau yn Gyntaf trwy weithio mewn partneriaeth a CAMAD, Ecodyfi, Cyngor Sir Powys, a Chyngor Cymuned Glantwymyn, gyda chefnogaeth oddi wrth Cyngor Tref Machynlleth a chynghorau Cymunedol Llanbrynmair a Cadfarch, i gynrychiolwyr o'r cynghorau lleol.

Hefyd, mi gyflwynodd Myra wobrau i enillwyr y raffl ar gyfer y rheini a lenwodd a dychwelyd holiaduron ar gyfer y ddau asesiad anghenion.

Byddai Cyril a Cerys yn hoffi diolch yn fawr iawn i'r mudiadau,

grwpiau, ac unigolion, a ddangosodd ei gwaith, yn ogystal â'r rheini

a gynhaliwyd gweithdai, a phawb a fu mor haelionus â rhoi ei amser i fyny i helpu gyda'r trefnu o flaen llaw, ac ar y diwrnod, gan gynnwys aelodau o bartneriaeth Cymunedau yn Gyntaf.

Top

Cynllun Gweithredu Bro Ddyfi

Yn canlyn ymgynghori mewn amrywiad o wahanol ffyrdd a lleoliadau trwy Bro Ddyfi, yn cynnwys digwyddiadau yn ddiweddar ar y cynllun gweithredu a gafodd ei cynnal gan Cymunedau yn Gyntaf a'r Fforwm Lleol, a'r digwyddiad yn canlyn hyn ar y 3ydd o fis Tachwedd, mae'r cydlynydd a'r bartneriaeth yn awr yn gweithio ar Gynllun Gweithredu ar gyfer yr ardal, ac mi ddylai fersiwn ddrafft o hwn fod yn barod yn gynnar yn y flwyddyn nesaf.

Top

Safon y we wedi ei ddiweddaru

Mae darn Bro Ddyfi o safon y we Cymunedau yn Gyntaf Powys wedi ei ddiweddaru yn ddiweddar, ac mae nawr yn cynnwys adroddiad y 'Gwerthusiad Cyfranogol' a gafodd ei gario allan yn yr ardal gan 'Insight Social Research Ltd', ar ôl i ardal Bro Ddyfi gael ei dewis gan Rhwydwaith Cefnogi Cymunedau yn Gyntaf fel un o ddim ond pum ardal beilot drwy Gymru.

Mae'r safon hefyd yn cynnwys yr adroddiadau a'r canlyniadau ar yr Asesiad o Anghenion Cludiant a gafodd ei gynal yn yr ardal ynghynt eleni, ynghyd â chopi o Gytundeb y Bartneriaeth.

Rydym yn dal i aros am adroddiad yr Asesiad o Dai Fforddiadwy i gael ei gyfieithu, cyn i hwn hefyd gael ei gynnwys

Mae safon y we Cymunedau yn Gyntaf Powys yn cynnwys gwybodaeth ar y tair ardal Cymunedau yn Gyntaf sydd ym Mhowys, ac mae yn werth i chi gael golwg ar www.commfirstpowys.org.uk.

Gallwch hefyd gael gwybodaeth ar unrhyw fater trwy gysylltu â swyddfa Cymunedau yn Gyntaf Bro Ddyfi.

Top

Aelodau newydd o'r bartneriaeth

Hoffem groesawu bedwar aelod newydd o'r bartneriaeth, gyda Helen Hughes a Ceris Rees yn cynrychioli'r gymuned yn Llanbrynmair, tra bod Martin Ashby wedi cymryd lle Eric Hughes fel un o gynrychiolwyr y gymuned o Fachynlleth, ac yn olaf, Llinos Jones-Williams, sydd yn swyddog datblygu yn ardal Machynlleth gyda Bwrdd yr Iaith Gymraeg.

Yn anffodus ffordd bynnag, mor gynted ag yr ydym wedi dod i arfer gweld Llinos ar hyd y lle, mae hi yn ein gadael ni i gymryd swydd newydd yn nes at ei chartref yn y Bala.

Mi hoffem felly ddymuno pob lwc iddi hi yn ei swydd newydd yn Glan Llyn, ac y gobaith yw y bydd y person a gaiff ei benodi fel ei olynydd, hefyd yn cymryd ei lle ar bartneriaeth Cymunedau yn Gyntaf.

Top

A lle i fwy!

A oes gennych ddwy neu dair awr y mis yn rhydd?

Os oes, dyma gyfle i chi allu gwneud gwahaniaeth gwirioneddol yn yr ardal - felly ymunwch a ni nawr!

Dywedodd Cyril Evans, Cydlynydd Cymunedau yn Gyntaf Bro Ddyfi "Mae yn dal i fod lle i fobl sydd yn byw neu yn gweithio yn ardal Powys o Fro Ddyfi i ymuno â phartneriaeth newydd Cymunedau yn Gyntaf Bro Ddyfi.

Mae'n swr bod na thipyn o fobl yn yr ardal a theimladau cryf iawn am rywbeth sydd yn digwydd, neu ddim yn digwydd ym Mro Ddyfi ar hyn o bryd, ond hwyrach heb fod a'r awydd neu yr hyder, neu yn wir heb gael y cyfle i leisio eich barn o'r blaen.

Wel dyma gyfle gwych i chi drio gwneud gwahaniaeth gwirioneddol, a pharhaol i'r ardal brydferth yma".

Top